KRALENDIJK – Mareshosé di Reino (KMar) ta bai ekspandé e un aña i mei te dos aña benidero fuertemente den Karibe Hulandes. Ta bini mas o ménos sinkuenta ekivalente di tempu kompleto (VTE) aserka riba islanan BES. E gran parti ta bini pa Boneiru. Esei un bosero di Mareshosé a konfirmá na Bonaire.nu.
E ekspanshon ta nesesario segun KMar pa ehekutá tareanan legal di e organisashon mihó.
"Marechosé di Reino ta bai ekspandé enberdat riba islanan BES. Esaki ta nesesario pa por kumpli mihó ku nos tareanan legal”, segun e bosero.
E ekspanshon no ta sosodé den un solo biaha. E próksimo un aña i mei pa dos aña ta ekspandé e fail di empleado den fase. Aki lo trata tantu personal lokal ku via Servisio di Reino Karibe Hulandes (RCN) ta nombrá komo personal militar ku lo instalá riba e islanan.
"Den un aña i mei te dos aña mas o ménos 50 VTE lo reforsá nos aporte riba Karibe Hulandes. E gran parti di esaki na Boneiru”, KMar ta laga sa.
E ekspanshon ta relevante debí na e diskushon tokante alohamentu di Defensa i servisionan di seguridat na Boneiru den futuro. Entidat Públiko Boneiru (EPB) ke finalisá e kontrato di hür di e parsela di agrikultura kaminda Onima Aloe N.V, ta eksplotá su plantashon di sentebibu komersial.
Parsela di agrikultura
Defensa a bisa Bonaire.nu anteriormente di ta investigá huntu ku EPB si e parsela di agrikultura banda di e Institushon Hudisial Karibe Hulandes (JICN) por bira un fasilidat kompartí realisá pa Defensa i servisionan di seguridat lokal.
Defensa ta enfatisá ku ta investigá ainda si e parsela konserní bèrdaderamente ta kumpli ku e nesesidatnan di Defensa i EPB. E momento ei ainda no a firma akuerdonan tampoko.
E informashon nobo di KMar ta aklará ku e nesesidat na kapasidat èkstra ta kresiendo konsiderablemente e añanan benidero. KMar no ta bisa si e ekspanshon di mas o ménos sinkuenta VTE direktamente ta relashoná ku e plannan pa e sitio kontroversial di e plantashi di sentebibu. Pa awor no tin klaridat riba e alohamento definitivo.