KRALENDIJK/ORANJESTAD – For di 13 te 19 di mart 2025, miembronan di Konseho Insular James Kroon, Daniel Crestian, Cyrill Vrolijk i Benito Dirksz, representando Konseho Insular di Boneiru, lo bishita Aruba pa un bishita di trabou. E meta ta pa eksplorá proyekto i fortalesé kolaborashon den diferente área di maneho públiko.
Riba dia 13 di mart, nan tin reunión ku minister Arends tokante transporte públiko i lisensianan di taksi, i un seshon di informashon tokante un proyekto di agrikultura enfoká riba outosufisiensia. Riba dia 14 di mart, nan lo reuní ku e parlamento nobo di Aruba pa interkambia ideanan tokante desaroyo regional i koperashon polítiko. E mesun dia, nan lo bishita Alto Vista Winery pa diskushonnan tokante empleo i desaroyo di produkto.
Fortalesé koperashon
Riba dia 17 di maart, e miembronan di Konseho Insular lo bishita un proyekto di hidroponia di e organisashon Santa Rosa, sigui pa e selebrashonnan kultural i protokolar di Dia di Aruba riba 17 i 18 di mart.
Segun un komunikado di prensa di Konseho Insular, e bishita ta dirigí na fortalesé e koperashon i interkambio di konosimentu entre Boneiru i Aruba.