KRALENDIJK – Organisashon Miss Boneiru ta invitá tur hende muhé hóben for di 18 aña ku tin interes pa partisipá na Miss Universo Boneiru 2025 pa asistí na un nochi di informashon spesial.
E enkuentro ta tuma lugá riba djabièrnè 28 di yüni di 5’or di atardi pa 7’or di anochi. Durante e anochi aki ta duna informashon di e trayekto, e prosedura di selekshon i loke e partisipashon na e konkurso di beyesa internashonal ta enserá.
E organisashon ta spera un asistensia ámplio di hende muhé hóben motivá ku ke probechá e oportunidat pa representá Boneiru internashonalmente na Thailand 22 di novèmber próksimo.