KRALENDIJK - Aktivista polítiko James Finies, ken den próksimo elekshonnan di Konseho Insular ke partisipá ku su partido nobo, ta akusá e politikanan aktual di no a hasi sufisiente kontra e kuentan haltu di oriente na Boneiru. Segun Finies, e gastunan pa hopi famia ku ta traha ta bira kasi imposibel pa paga.
Finies ta reakshoná asina riba e diskushon tokante e kuentanan haltu di WEB ku djárason a sali dilanti den e programa Brunch di radio emisora Live99.
Segun Finies, e nuebe miembronan di Konseho Insular i tres diputadonan mester duna kuenta di loke nan a hasi pa mantené e gastunan di energi parabel. El ta puntrasu mes pakiko e situashon a yega asina leu.
Segun Finies polítikonan na e isla ta warda pa hasi politika ku e nesidat di pueblo en e kampaña ku ta na kaminda.
Tabata nesesario pa intervení mas promto
Segun Finies, mester a intervení hopi mas promé. Elektrisidat, segun e, no ta un luho sino un nesidat básiko. Residentenan p’esei no mester bira dependiente di promesanan di elekshon òf solushonan ku ta skucha solamente den tempu di kampaña polítiko, minetras ku nan mester a bini den akshon masha tempu kaba.