KRALENDIJK – Kuerpo Polisial Karibe Hulandes a selebrá 15 di ougùstùs djessinku aña di eksistensia di e Sala pa akudí Sentral i e bali di resepshon Registrashon & Servisio na Boneiru, Sint-Eustatius i Saba. Eksaktamente djessinku aña pasá a pone e base pa loke entretantu a krese bira e punto sentral di kordinashon pa servisionan di emergensia na Karibe Hulandes.
Promé ku lantamentu di e sala pa akudí tareanan manera tuma denunsianan di emergensia, dirigí patruyanan i atendé ku bishitantenan na warda di polis tabata kai pa gran parti bou di e komandante di warda. Pa profeshonalisá e tareanan ei, un grupo di empleado a bai Kòrsou e tempu ei, kaminda nan a sigui un preparashon intensivo di shete siman na kazèrna di Suffisant.
E sala di akudí ta fungi entretantu komo punto di akudí sentral pa entre otro polis, servisio di ambulans, brantwer i Marechosé di Reino. Di e prome grupo ku e tempu ei a sigui e preparashon sinku empleado ta aktivo ainda diariamente den e kuerpo.