KRALENDIJK – Inskripshon pa di 42 edishon di Kareda di Regata na Boneiru ta habrí. E evento di kore duru ta tuma lugá e aña aki riba djarason 14 di òktober i ta forma parti atrobe di e Siman di Regata.
Partisipantenan for di 16 aña por partisipá na e kompetensia di sinku kilometer. E inisio ta 17.30 or’ na Stadion di Playa. E final ta na Karel’s Beach Bar.
Pa muchanan di 8 te ku 15 aña ta organisá banda di esei un Kareda di Mucha di dos kilometer. E kareda aki tambe ta kuminsá 17.30 or’. Partisipashon na e Kareda di Mucha ta grátis.
Pa e kareda di sinku kilometer e partisipantenan ta paga 10 dòler di inskripshon. Segun e organisashon por paga entre otro via Sentoo i ku tarheta Visa òf Master.
Ta tene e Kareda di Regata na 2026 pa di 42 biaha. Por inskribí pa e evento via www.regattaloop.com