KRALENDIJK – Representantenan di ministerio hulandes di Enseñansa, Kultura i Siensia (OCW) resientemente a bishitá Hulanda karibense pa papia tokante edukashon vokashonal, desaroyo di merkado laborali koperashon futuro entre institutonan di enseñansa i dunadónan di trabou na Boneiru, Sint Eustatius i Saba.
Segun direktora di ROA CN (Raad Onderwijs Arbeidsmarkt Caribisch Nederland) Elyane Nicolaas, e reunionnan tabata enfokando riba ehekushon di e Stagepact 2023–2027, fortalesimento di edukashon vokashonal i mehorashon di koperashon entre e sektor di enseñansa i merkado laboral na e islanan.
Tambe partnernan manera Plenchi di Trabou a partisipá den e konbersashonnan i a parti dato di merkado di trabou, desaroyonan di sektor i retonan pa loke ta trata edukashon vokashonal na Karibe Hulandes.
Un tópiko importante durante e reunionnan tabata e transishon planeá di WEB-BES pa WEB. Segun ROA CN, e proses aki ta nesesitá alineashon legislativo, pero tambe invershonnan adishonal den kapasidad institusional i profesionalisashon.
Kooperashon indispensabel
ROA CN a suprayá ku kooperashon entre gobiernu, enseñansa i partnernan di merkado di trabou ta keda indispensabel pa konstruí un sistema di edukashon vokashonal sostenibel pa Karibe Hulandes.