KRALENDIJK – E aña aki ta amplia Kongreso Nashonal di Enseñansa Karibense pa promé biaha ku un Konferensia di Maneho Karibense apart. E enkuentro nobo ta dirigí riba lidernan eskolar, gobernantenan i personanan ku ta duna guia den enseñasa i akohida di mucha na Aruba, Kòrsou i Boneiru.
E konferensia di maneho ta tuma lugá promé ku e kongreso di enseñasa regular i ta trata liderato, kalidat di enseñansa, desaroyo eskolar i e pregunta kon esnan ku ta duna guia por krea espasio pa inovashon dentro di nan organisashon.
Ta tene e Kongreso Nashonal di Ensenansa Karibense e aña aki pa di nuebe biaha. E siman di kongreso ta di 26 te ku 29 di òktober i ta tuma lugá susesivamente na Aruba, Kòrsou i Boneiru. E aktividatnan na Boneiru ta riba 29 di òktober.
Kapasidat intelektual
E tema sentral e aña aki ta Kapasidat Intelektual – Un fundeshi fuerte pa kresementu i desaroyo. Akinan no ta trata di inteligensia so segun e organisashon, pero tambe pa desaroyo kognitivo, emoshonal i sosial.
Durante e kongreso tópikonan manera siña i e selebro, komportashon, idioma, matemátika, alfabetisashon digital, inteligensia artifisial, siudadania, inteligensia emoshonal i liderato ta haña atenshon.
Un di e oradónan ta e dosente, coach i outor Merikano Willie Spears. Tambe diferente profeshonal den enseñansa Hulandes i lokal ta duna tayer i seshonnan práktiko.
Tambe tin kontinuashon online
Nobo ta tambe ku partisipantenan di tantu e kongreso di enseñansa komo e konferensia di maneho ta haña akseso na e Akademia Karibense. Ku esaki e organisashon ke prevení ku profeshonalisashon ta para na final di e enkuentronan físiko i partisipantenan por sigui ku formashon i interkambio di konosementu online.
E kongreso ta kuminsá 26 di òktober na Aruba, ta muda pa Kòrsou dos dia despues i ta terminá 29 di òktober na Boneiru.