Vakatura Asistente di Edukashon

STINAPA Boneiru ta buska un Asistente di Edukashon (m/v) pa 36 ora pa siman. Bo ta yuda desaroyá i implementá programa di edukashon tokante naturalesa i medio ambiente pa skolnan, mucha i hóben. Tambe bo ta sostené e programa di Junior Rangers, organisá aktividat i tayer, desaroyá material edukativo i guia boluntarionan.

Rekisitonan: estudio HBO òf nivel di traha i pensa di HBO, por lo menos dos aña di eksperensia relevante i konosementu di naturalesa, ekologia i biodiversidat. Bo mester dominá hulandes, ingles i papiamentu, tin reibeweis, sertifikado di landamentu A, B i C, i un sertifikado di buseo òf ta dispuesto pa obtené unu. Disponibilidat riba djasabra mainta ta nesesario.

STINAPA ta ofresé: un trabou variá, salario brutu di $2,671–$3,319, un di 13 luna, 8.33% di fakansi i 166 ora di fakansi pa aña.

Interesá? Manda bo karta di motivashon i CV na vacature@stinapa.org, ku menshon di “Asistente di Edukashon”, no mas tardá ku 30 oktober.