KRALENDIJK – Sekretario di Estado Eric van der Burg a hasi un bishita di trabou na Boneiru djamars 13 di òktober, kaminda el a reuní ku Kolegio Ehekutivo pa deliberá tokante bon gobernashon, desaroyo di e isla i progreso di e akuerdo atministrativo entre Boneiru i Reino.
Durante e reunion, Kolegio Ehekutivo a duna un splikashon di e proyektonan ku ya a kuminsá i e plannan pa e periodo binidero. Entre e tópikonan ku a bin dilanti tabata desaroyo di transporte públiko, siguridat di suministro di koriente i mehorashon di prosesonan finansiero.
Pòtret: EPB Un parti importante di e kòmbersashon a enfoká riba fortifikashon di e organisashon di Entidat Públiko Boneiru (EPB). E kresementu rápido di e isla ta trese desafionan pa e aparato gubernamental, ku mester por atendé e nesesidatnan kresiente di e poblashon.
Tambe a deliberá tokante integridat atministrativo, kapasidat di ehekushon i e sosten ku Boneiru tin mester di Reino pa realisá e palabrashonnan hasí.
Pòtret: EPB Promé ku e reunion ku Kolegio Ehekutivo, gezaghèber John Soliano a tene un kòmbersashon separá ku Van der Burg tokante e situashon atministrativo na Boneiru i fortifikashon di gobernashon públiko.