WILLEMSTAD – E gruponan di akshon Sin Kabes i Curaçao Nature Conservation a protestá djadumingu kontra proyektonan di konstrukshon i desaroyo na Kòrsou ku segun nan ta teniendo insufisientemente kuenta ku e poblashon lokal i naturalesa. E gruponan ke trese un diskushon mas ámplio riba e manera ku ta desaroyá e isla
E manifestashon pasivo a tuma lugá na Botika Juliana. E organisashonnan no a mustra riba ún proyekto spesífiko, pero a menshoná desaroyonan riba diferente sitio riba e isla, entre otro Penstraat, Zakitó, Bapor Kibrá, Otrobanda, Pietermaai, Santa Martha, Willibrordus, Westpunt, Caracasbaai i Piscadera.
Segun e inisiadónan ta desaroyando mas i mas área sin ku ta kla kiko e komunidat lokal ta mira bèk di esaki. Nan ta mustra ademas ku sierto desaroyo ta bai a kosto di áreanan di naturalesa riba tera i den laman i tin konsekuensia pa e kultura i ambiente di bida.
Meta di e enkuentro tabata tambe komo un sitio kaminda habitantenan por a kompartí nan eksperensianan ku proyektonan di konstrukshon i desaroyonan espasial. E organisashonnan ta bisa di ke kolektá asina mas informashon di konsekuensia ku desaroyo tin den diferente bario i área.
Ku e protesta aki Sin Kabes i Curaçao Nature Conservation ke embolbí spesialmente habitantenan mas den desishonnan di struktura den futuro di e isla. Segun e gruponan ora ta trata proyektonan nobo no mester wak solamente desaroyo ekonómiko, pero tambe interes di bisiñanan, konservashon di naturalesa i aksesibilidat di tereno.