KRALENDIJK- Resientemente Z Air i e programa di Lealtat basta popular na Kòrsou, Fortuna Card, ta bai traha huntu pa ofresé kliente i pasahero mas oportunidat pa spar i troka.
Esaki Awor.nu ta komprondé den kombersashon ku representantenan di ámbos Z Air i Fortuna Card.
Aktualmente representante di Fortuna Card ta na Boneiru pa un promoshon konhuntu. Den último añan aki Fortuna Card a gana hopi na usuario primeramente na Kòrsou pero ta sigui traha riba mas presensia na Boneiru tambe. Banda di Z Air por spar tambe entre otro na Krioyo Paint i building depot.
Benjamin Römer di departamente komersial di Z Air dunando informashon tokante e kolaborashon nobo.
Intersadonan pa spar ku Fortuna Card por hasi esaki dor di pidi un karchi, pero tambe por skohe pa deskargá un aplikashon (app) for di Appstore pa spar i troka usando nan selular. Den dianan benidero por spera mas detaye tonante e koperashon entre Z Air i Fortuna Card. Awor.nu ta komprondé ku ta trahando tambe riba un kampaña relashoná ku e Mundia di futbòl.
Klientenan bishitando Z Air ta haña splikashon mesura tokante e opshonan pa spar I troka na Z Air usando na Fortuna Card.