KRALENDIJK – Korte Komun di Hustisia ta trata djamars 15 di sèptèmber e apelashon den dos kaso penal ku ta relashoná ku otro kontra agentenan polisial na Boneiru. A sentensiá un di nan anteriormente pasobra el a dal un detenido ku tabata di bui den un outo di polis. A apsolvé e otro agente polisial pa trahamentu di un prosèsfèrbal falsu.
E kaso ta trata un aktuashon di polis riba 2 di mart 2024. Einan agente lo a dal un hòmber ku tabata detené i di bui den un outo di servisio riba su nanishi. Korte den Promé Instante a haña e maltrato pruebá i a imponé kuater luna di kastigu di prizòn kondishonal. Tambe e no tin mag di traha dos aña serka Kuerpo Polisial Karibe Hulandes (KPCN) òf den un otro funshon komo ofisial investigadó pa dos aña.
Prosèsfèrbal
Tambe a persiguí e agente i su kolega pa motibu di un prosèsfèrbal ku a traha dos dia despues di e insidente. Eiden tin pará ku e agentenan por a evitá un aksidente fatal durante un persekushon solamente si nan a desviá rápido ku nan outo di servisio.
Segun Ministerio Públiko e deskripshon ei no tabata korekto. Lo no a menshoná ku e outo blanku ku tabata aserkando su mes na último momento a desviá bai na man robes.
Korte a apsolvé ámbos agente di traha e prosèsfèrbal falsu. Segun e wes no por a determiná sufisientemente despues si e situashon deskribí no tabata bèrdat. P’esei a apsolvé e agente kompletamente.
Apelashon
Korte ta trata ámbos kaso penal djamars for di 08.30or’ na Boneiru. For di e lista ofisial di kasonan den korte no ta sali na kla si ta e sospechosonan, Ministerio Públiko òf ámbos partido a definí e apelashon