ORANJESTAD – Rei Willem-Alexander, promé minister Hulandes Rob Jetten i sekretario di estado Eric van der Burg di Relashonnan di Reino i Gobièrnu Desisivo ta bishitá Sint Eustatius na luna di novèmber. Nan ta asistí na e konmemorashon di 250 aña The First Salute riba djaluna 16 di novèmber. Esei Servisio di informashon di Reino a anunsiá.
Promé ku e konmemorashon tin un selebrashon djadumingu anochi djessinku di novèmber na Fort Oranje. E konmemorashon ofisial ta djaluna mainta, riba Dia di Sint Eustatius, e fiesta anual di e isla.
Riba 16 di novèmber 1776 Fort Oranje a kontestá ku tirunan di kañon pa saludá e saludo di e barku Merikano Andrew Doria. Merka ta konsiderá esaki komo un promé rekonosimentu di un potensia estranhero di nan independensia.
E salutashon a resoná algun luna despues di e deklarashon di independensia Merikano, mientras e guera pa independensia tabata tumando lugá ainda.