PHILIPSBURG – Durante un listramentu na gran eskala den prizòn Point Blanche na Sint-Maarten a topa ku droga , ophetonan ku bo por ataká i heridá hende kuné i arma blanku. Militarnan a yuda durante e kontrol riba petishon di outoridatnan lokal.
E akshon tabata dirigí riba detektá artefaktonan prohibí den prizòn. E destakamentu di militar a traha huntu ku Kuerpo Polisial di Sint Maarten den esaki.
Segun Defensa e militarnan a yuda pa e listramentu kana seif i na òrdu. Tambe nan a supervisá seguridat di e personal di prizòn i e prezunan.
Defensa no a informá ta di kua tipo di droga i arma ta trata, kuantu produkto prohibí a topa i si debí na e hayasgonan a detené personanan òf si a tuma medidanan disiplinario.