KRALENDIJK – Tempu lo ta predominantemente seku i kalor riba islanan ABC e fin di siman aki. Di djabièrnè 9 di òktober te ku djadumingu 11 di òktober shelu ta keda parsialmente nublá i chèns ta chikitu ku por tin awaseru lokal kòrtiku den ora di mainta. Temperatura máksimo ta alrededor di 33 grado Celsius.
Bienta ta supla di pariba i ta moderá te bastante potente, ku ráfaganan fuerte. Riba laman ta spera olanan di 1,4 te 1,8 meter haltu. Ta premirá e olanan mas haltu riba djadumingu.
Anochinan tambe ta keda kalor, ku temperaturanan mínimo rònt di 28 grago Celsius. Ku esaki habitante- i bishitantenan di Boneiru, Kòrsou i Aruba por konta ku un fin di siman kalor i ku solo, ounke un awaseru lokal ta keda posibel.
Orkan Isaias direkshon di kosta Merikano
Mientrastantu orkan Isaias ta rekobrá forsa riba Oséano Atlántiko. Segun pronóstiko di tempu e sistema por krese bira un orkan di kategoria 3. Mas lat anochi ta fèrwagt ku Isaias ta yega kosta wèst di Florida òf na kosta di Alabama.
Ta fèrwagt ku e orkan ora e yega tera lo tin forsa mínimo di un orkan fuerte di kategoria 2. Kambionan diripiente den forsa di bientu, òf direkshon di bientu por influensiá e desaroyo, ku ta frena posiblemente ku e sistema ta sigui intensifiká.
Isaias ta e promé orkan di e temporada di orkan Atlántiko di 2026. Ku esaki a kibra un rèkert: nunka antes un promé orkan di un temporada den Oséano Atlántiko a desaroyá asina lat den aña.
Fuente: Caribbean Weather Center