KRALENDIJK – Gobièrnu Hulandes ta tuma mas responsabilidat pa e problemanan na lèntfel Lagun na Boneiru. Ministerio di Infrastruktura i Obranan Públiko ta bira responsabel pa dunamentu di pèrmit, mientras ku Inspekshon Ambiente di Bida i Transporte (ILT) finalmente mester bai tene supervishon i por mantené. Antisipando riba e kambio di lei nesesario e ministerio, Entidat Públiko Boneiru (EPB) i ILT a firma un deklarashon di koperashon.
Ku esaki e partidonan ke prevení ku e aserkamentu ta bolbe keda ketu pa lunanan largu. ILT ta bai duna sosten kaba pa preguntanan práktiko i hurídiko. Den e promé siman di sèptèmber inspektornan ta bini Boneiru pa wak huntu ku Selibon i EPB kua medidanan konkreto por tuma mésora.
Segun lider di ekipo di ILT Stan Smeulders e problemanan na Lagun a surgi durante desenanan di aña. Tin un akumulashon di problemanan tékniko, organisatorio i hurídiko, ku ta trese riesgonan grandi kuné pa medio ambiente i salú di habitantenan den serkania.
“Meta di e transishon pa un empresa tipo 4 ta pa traha pa logra stap pa stap un situashon kaminda Selibon ta bai kumpli ku e obligashonnan pa pèrmit aktual i den futuro”, Smeulders ta bisa. Finalmente mester bini ku esaki un fin na e deposito inkontrolá di sushi na Lagun.
Inspekshon ta atvertí si ku lo no resolve e problemanan den algun luna. “Mirando e urgensia di e kaso ta asuntu di yega mas lihé ku ta posibel na un pakete koherente di akshonnan hopi konkreto”, segun Smeulders. “Pa kalma e espektativanan mi ta bisa mésora ku esaki ta bai bira un trayekto largu ku sigur sigur ta bai dura mas aña.”
Inspektornan ta diskutí otro siman kua medida entre otro ta nesesario awor pa kumpli ku e regulashonnan di e konsepto di pèrmit di medio ambiente. Tambe ta bai wak separashon mihó di fluho di desperdisio, manera material orgániko, glas i sushi limpi di konstrukshon
Responsabilidat ta pa Reino
E sekretario di estadio di Infrastruktura i Obra Públiko a hasi djabièrnè un bishita di un dia na Boneiru. El a bishitá Lagun, a papia ku habitantenan i a entregá djes aparato pa midi. A kologá e promé aparato serka un habitante den besindario di e lèntfel. Ta publiká e resultadonan di midimentu via e ret di midi di RIVM.
“Ta hopi importante ku ta midi”, e sekretario di estado ta bisa redakshon di Bonaire.nu. “Ku esaki nos ta mustra e habitantenan huntu ku ta midi i ku ta publiká e informashon tambe”.
Tambe ta adaptá e Desishon di Establesimentunan i Aktividat BES. Empresanan di rekohé sushi ta kai awor bou di tipo 3, di moda ku kolegio ehekutivo ta responsabel pa dunamentu di pèrmit, supervishon i mantenshon. Despues di e kambio Selibon ta kai bou di tipo 4. Ministerio di Obra Públiko ta bira e ora ei responsabel pa e pèrmit i ILT pa supervishon i mantenshon.
“Nos ta bai tipo 4. Esei ta nifiká ku Reino ta bai tuma e responsabilidat ei, pasobra esaki ta gewon un dozjé hopi grandi”, segun e sekretario di estado.
E kambio di lei i e pèrmit nobo ta kosta tempu. P’esei te ora ku ILT ta kualifiká formalmente, inspekshon por ofresé solamente sosten operashonal i hurídiko. P’esei aktua manteniendo no ta posibel ainda na e momento aki.
E sekretario di estado ke si pa mientrastantu tin progreso. Bou di guia di gobièrnu insular mester forma un grupo ku ta identifiká presis kua akshon ta nesesario pa optené resultadonan evidente pa mas tardá fin di 2028. Un biaha den tres luna e sekretario di estado i gezaghebber John Soliano ta analisá e progreso.
“Awor si ta serio di bèrdat. E mester sosodé i mester pone preshon”, e sekretario di estado ta bisa.”Ta dura asina largu kaba. Tanten ku bo ta sintá riba e stul aki, bo mester pèrkurá ku bo ta hasi loke bo a palabra.”
Ku esaki e ta reakshoná tambe riba e pregunta si elekshonnan di konseho insular di mart 2027 i posibel kambionan polítiko por okashoná tardansa atrobe. Segun e mester ehekutá e palabrashonnan, sin importá e situashon polítiko.
Soliano ta papia di un momento krusial
Gezaghebber John Soliano ta yama e bishita i e firmamentu di e deklarashon di koperashon un momento krusial. Segun John Soliana Boneiru por a hasi hopi kaba ku Reino e un aña i mei ku a pasa, pero e kompromiso di ministerio di Infrastruktura i Obra Públiko ta espesífikamente visibel awor.
“Ta promé biaha ku e sekretario di estado di Infrastruktura i Obra Públiko a buska aserkamentu ku e grado di kompromiso i transparensia aki, i asina dirigí riba koperashon”, Soliano ta bisa Bonaire.nu. “Nos no a papia so riba tur sorto di tema, pero netamente a tuma akshon. Nos asta a firma un deklarashon di koperashon ku otro.”
Segun e gezaghebber e koperashon nobo mester pèrkurá ku e aserkamentu ta keda eksistí tambe ku kambionan polítiko. “Awe tabata un momentu importante i krusial den e proseso kon nos ta bai aklará e tarea grandi aki ku otro.”
Akuerdo di dunamentu di servisio
Soliano a elaborá tambe riba e akuerdo di dunamentu di servisio entre EPB i Selibon. E akuerdo mester registrá kua ta e servisionan ku e empresa di rekohé sushi ta suministrá na e entidat públiko i ki kompensashon ta haña pa esei. Segun Soliano a plantia e akuerdo den luna di yanüari, pero mester haña aprobashon ainda di Selibon.
Na luna di yüni EPB i ministerio di Asuntunan Interior i Relashonnan di Reino a firma un akuerdo adishonal kaba. Eiden gobièrnu insular a mara su mes pa pone medionan disponibel ku segun investigashon di KPMG ta nesesario pa tene Selibon finansieramente stabil.
“E akuerdo di duna servisio no ta hechu ainda, pero ta den proseso”, Soliano ta bisa. Banda di esei Selibon mester bini ku un plan di empresa kaminda ta poné kiko e empresa mester pa sigurá prosesamentu di sushi den futuro i pa hasi invershonnan posibel.
Dia 8 di aprel Bonaire.nu a entregá un petishon Wob pa e kontrato di kuido entre Selibon i Entidat Públiko Boneiru, pasobra ámbos partido no kier a publiká e kontrato. Tambe a hasi petishon pa tur komunikashon di e kombenio bieu i e nobo. E kontrato di kuido lo a terminá na 2023. Entretantu ta trahando riba un akuerdo di duna servisio nobo. Segun departamentu di Asuntunan Hurídiko e petishon Web ta konsistí di mas o ménos seisshen fail. E departamentu ta laga sa ku e dokumentonan lo ta entregá den buzòn di redakshon di Bonaire.nu dentro di dos siman.