Divi Divi Air ta mustra aporte ku avion mundial

WILLEMSTAD – Divi Divi Air a presentá un avion ku a pinta spesialmente pa selebrá partisipashon di Kòrsou na kampeonato mundial di futbòl. A dòrna e Twin Otter ku un koló blou yamativo komo homenahe na e asina yamá ‘Blue Wave’, e ola di entusiasmo ku kua pueblo ta sostené e ekipo nashonal.

Segun e kompania di aviashon e kombinashon di koló ta pará komo símbolo pa e prestashon históriko di Kòrsou, ku ta partisipá komo e pais mas chikitu ku a yega di partisipá na un kampeonato mundial di futbòl.

Fly the Blue Wave

Ku e pintamentu spesial Divi Divi Air no ke hasi solamente e sosten pa e selekshon di entrenadó di e ekipo nashonal Dick Avokaat visibel, pero promoshoná Kòrsou tambe e añanan benidero internashonal.

E aplikashon blou di e avion ta di akuerdo ku e kampaña ‘Fly the Blue Wave’, ku kua e kompania ke enfatisá e kompromiso entre e sektor di aviashon nashonal, e pueblo i futbòl di Kòrsou.