KRALENDIJK – Músika, goso i kanta huntu ta para sentral durante un Festival di Kanto pa grandinan na Villa Henna. Djaluna 21 di sèptèmber ta organisá di 10’or pa 12.30 or’ un mainta musikal kaminda enkuentro i goso ta na promé lugá.
Bou di e lema ‘Sing from the heart, make every moment count’ ta invitá grandinan pa bin gosa huntu di kantikanan konosí i otro su kompania. E festival mester bira spesialmente un mainta alegre kaminda tur hende por kanta i ta parti di e fiesta.
Durante e programa por skucha entre otro Cocari i Kas Karko. E organisashon ta primintí bunita músika, goso i momentonan spesial pa e grandinan presente.
E Festival di Kanto ta tuma lugá riba 21 di sèptèmber 2026 na Villa Henna i ta dura di 10’or te 12or’. Riba e anunsio ta resumí e evento konmovedor: tur hende por ta un strea pa un ratu e mainta ei.