ORANJESTAD, Sint-Eustatius – Trahadónan di kuido na Sint-Eustatius a bini huntu djasabra 15 di ougùstùs pa sostené e yamada kresiente pa introdukshon un siman di trabou di 36 ora pa personal di kuido na Hulanda Karibense. E akshon ta hañan sosten tambe di e sindikato hulandes FNV, un di e organisashonan sindikál mas grandi na Hulanda.
E reunion tabata parti di un kampania kordiná, ku prinsipalmente ta wòrdu liderá pa sindikatonan AFBW na Boneiru i sindikato Al-for-1 na Sint-Eustatius. E sindikatonan ta pidi pa redusí e siman di trabou aktual di 40 ora pa 36 ora, manteniendo nan salario i derechonan di penshun eksistente.
Trahadónan di kuido ta indiká ku nan tin problema ku e echo ku ku empleadonan di gobiernu sentral, inkluyendo e di Rijksdienst Caribisch Nederland (RCN), tin un siman di trabou di 36 ora, mientras hopi personal di kuido ainda ta trahando 40 ora pa siman.
Na Sint-Eustatius tabatin presente entre otro empleadonan di Queen Beatrix Medical Center, Auxiliary Home i Mental Health Caribbean (MHC) na e reunion na ofisina di Alfor1. Diferente empleado a splika pakiko nan ta apoyá e kampaña i a suprayá e echo ku trabou den kuido ta basta pisá.
“Mi ta spera realmente ku e ministerio di Salubridat Públiko ta tende nos yamada”, un trahado di kuido ta bisa. “Traha den kuido no ta fásil, i no tin ningun motibu pakiko nos mester wòrdu tratá diferente di nos koleganan na Hulanda òf amtenarnan di RCN.”
FNV ta sostené yamada di e sindikatonan
E kampaña a haya tambe e sosten di FNV na Hulanda, un di e organisashonan sindikál mas grandi di e pais ta uni na e yamada di trahadónan di kuido na Hulanda Karibense.
E yamada pa un siman di trabou mas kòrtiku ta haña apoyo di trahadónan den kuido na tur tres isla BES. E sindikatonan ta insistí ku mester tin un trato igual i redukshon di oranan di trabou sin perdida di entrada of derechonan di penshun.