KRALENDIJK- Djasabra atardi eskritor i poeta Wilco Harbers a presentá su kolekshon di poesia na idioma Papiamentu, “Balia bai topa mainta,” na un públiko na Stichting Art Center Antriol.
E kolekshon tradukshon di su obra anterior, “Dansen naar de ochtend".
“Balia bai topa mainta” ta un kolekshon ku ta kontené poemanan konmovedor tokante tristesa, pèrdida i anhelo, i tambe amor, speransa i felisidat.
E poemanan a wòrdu tradusí bunita pa Lucille Berry-Haseth i Ini Statia.
E promé ehemplar a keda presentá gezaghèber John Soliano, Den su diskurso, Soliano a gradisí e outor i a destaká e importansia di konekshon i solidaridat denter di sosiedat boneriano, señalando ku e kolekshon aki por kontribuí na esei.
E presentashon a konta ku un meskla di poesia interpretá pa vários boneriano, inkluso Raiza Wilsoe, ganadó di e Festival Kanta bo Boneiru 2026, i Harbers mes.
Diskursonan di vários persona, inkluyendo representantenan di Fundashon Across The Isles i Sentro Akseso Boneiru, a alterná ku músika tradishonal krioyo ku ta konta ku e barí i kuarta.
E kolekshon di poesia ta un parti importante di e proyekto “Biba huntu ku luto i pèrdida”, ku a wordu lansa na mei di e aña aki.
Den e temporada ku ta bini aki lo parti e buki grátis pa e residentenan di Boneiru.