ORANJESTAD – Polis a tene ayera mainta tempran un entrada hudisial na kas di Sigfried Koolman den e bario Papilon. E ta man drechi di promé minister Evelyn Wever-Croes. Koolman ta su bòdigart i su shofùr.
A detené e hòmber riba sospecho di delitonan seksual en konekshon ku dos menor di edat. Durante e búskeda polis a haña un disko duru, seis arma di kandela i un kantidat konsiderabel di bala.
Anteriormente Koolman tabata man drechi di Rudy Croes, kasá q.e.p.d. di promé minister. Ta konosí ku e ta praktikando e deporte di tiru.
Ya pa basta tempu kaba e no ta karga arma mas. Ofisialmente e ta ámtenar na servisio di imigrashon, pero for di huramentashon di Evelyn Wever-Croes komo promé minister e ta traha na Cocolishi, e edifisio di gobièrnu.
Mas detaye den e kaso aki mester bini dilanti ainda. Remarkabel ta ku ayera mainta ta un otro shofùr a hiba promé minister parlamento i no Sigfrid Koolman, segun 24ora.
.