KRALENDIJK – Riba 15 di novèmber Representante di Reino interino (wRv) Jan Helmond a tuma per dirèkt e atministrashon di OLB pa algun tarea rondó di Selibon Lagun. Esaki debí na opservashonnan serio di Inspekshon di Medio ambiente i Transporte (ILT) tokante riesgonan pa salubridat públiko, naturalesa i medio ambiente.
Den un komunikado di prensa ku a sali djamars Helmond ta hasi menshon di e echo ku lo a pone ‘promé stapnan’, pero no ta bira kla di ningun forma kiko esakinan ta.
Ounke den e komunikado di prensa ta menshoná tambe ku un ‘aserkamentu spesialisá ta obligatorio’, ta keda ainda vago kon esaki ta i ki dia ta kuminsá ku esaki.
Perspektiva limitá
Ounke despues di e intervenshon Helmond a primintí transparensia i aktualisashon regular mediante komunikadonan di prensa, ta keda pa awor aki vago kua stapnan a pone konkretamente òf lo pone dentro di poko.
Te ku awor Helmond no a honra un petishon di Bonaire.nu pa un kòmbersashon personal tokante e situashon na e lèntfel na Lagun.