KRALENDIJK – Via di su kanalnan sosial e organisashon di naturalesa Stinapa a laga sa ku ta trahando duru pa hasi e akseso na diferente sitionan di buseo riba e isla aksesibel atrobe. E organisashon ta informá ku den kolaborashon ku Cargill Boneiru i Entidat Públiko Boneiru a hasi e e kamindanan di tera, entre otro for di e sitio di sambuyá The Lake direkshon di sùit, aksesibel atrobe.
E mantenshon na e kamindanan aki tabata hopi urgente. Pa motibu di uzo i eroshon tabatin burakunan grandi, di moda ku outonan pareu tabatin problema pa yega na e sitionan aki. Asta pikòpnan a haña nan den problema.
Riba e pòtrètnan por mira kon e tim di Stinapa ta trahanda na The Lake, kaminda ta egalisá i fortifiká e kamindanan. E organisashon ta pone énfasis riba e importansia di bon akseso na e sitionan di sambuyá, di moda ku tantu sambuyadónan lokal komo turistanan por gosa seif i sin problema di e mundu bou di awa di Boneiru.