KRALENDIJK- Hopi hende, pero spesialmente partisipante di karnaval hubenil a keda sorprendé djaluna atardi pa anochi, pa e echo ku tabata tin marcha di despedida hubenil, pero na final no tabata tin Momitu pa kima.
Segun Awor.nu, esaki ta promé biaha ku esaki ta sosodé i e ta spesialmente straño mirando ku e aña aki ta selebrá karnaval di Boneiru pa e di 50 aña i ku selebrashon e aña aki lo mester tabata unu spesial.
Awor.nu a komprondé tambe di parti di UNTAHF ku ta mañan anochi despues di despedida grandi, tin kimamentu di momo.
Ounke di un banda tin apresio pa e diferente gruponan ku a sa di presentá nan mes, tin basta komentario kaminda hende ta bisa ku e karnaval 50 den hopi sentido, a kana un manera bruá i ménos bon organisá, ku anteriormente.