KRALENDIJK- Djaluna atardi a tuma lugá firmamentu di CAO pa promé biaha na Primary Care Caribbean (PCC).
Na mesa tabata sinta presidente di AFBW Cherel Kwidama, su sekretaria Catharina van Manen i hendenan di PCC. Nan a selebrá e atardi dia di enfermera i e firmamentu di CAO.
Louella Rooijer, algemeen manager di PCC, a bisa di ta hopi kontentu ku e resultado, i tambe ku ta firma e akuerdo laboral riba un dia hopi spesial den mundu médiko, esta riba dia di enfermeria.
Rooijer tabata tin palabra di gradisimentu tambe pa AFBW. “Danki na AFBW pa e guia i liderasko den e trayekto di CAO aki. Apesar ta trata, di algu serio, nos tabatin nos momentonan ku hopi humor”. Segun Rooijer a bisa ku e trayekto a kana ku kolaborashon, rèspèt i dedikashon.”