KRALENDIJK – Wensùrfistanan hóben di Boneiru a presta fuertemente durante Kopa Mundial Cold Hawaii PWA Youth Windsurf Wave & Slalom na Dinamarka. Spesialmente Kit de Jong i Tycho Smits tabata eksitoso, pero mas talento Boneriano tambe a alkansá podio.
Kit de Jong di 14 aña a dominá na Foil Slalom. Den e kategoria di U21 serka mucha muhénan el a gana djesdos di e djessinku karedanan i el e optené viktoria final. Su ruman muhé Lone de Jong a finalisá na di dos lugá.
Na Fin Slalom tambe Kit tabata ariba. Einan el a gana kategoria U17-categorie, atrobe promé ku Lone de Jong. Ku esaki el a pone tantu Foil Slalom komo Fin Slalom riba su nòmber durante e kampionato hubenil di PWA.
Tycho Smits
Serka e mucha hòmbernan tambe Tycho Smits a buk un viktoria dòbel. El a gana tantu U21 Foil Slalom komo U21 Fin Slalom. Den e último disiplina ei Storm Nicolai a yega na di tres lugá.
Arxon Gomperts a finalisá na di dos lugá den U17 Fin Slalom. E wensùrfista Boneriano a drecha hopi den e fase final ganando tres kareda riba un rei, pero e Aleman Mika Henning a mantené finalmente sufisiente adelanto pa e viktoria final.
Julien Blom
Serka e partisipantenan hóben tambe tabatin éksito pa Boneiru. Julien Blom a gana U15 Fin Slalom.
Den e disiplina wave tambe un Boneriano a alkansá podio. Bobbi-Lynn de Jong a finalisá na di dos lugá serka mucha muhénan U18. Solamente e Aleman Trine Gobisch a finalisá promé kuné.
Kopa Mundia PWA Youth na Cold Hawaii a dura shete dia. E partisipantenan mester a enfrentá kondishonnan ku tabata vária, di kompetensianan di klima suave riba foil te karedanan slalom i kompetensianan wave den bientu fuerte i olanan haltu.