KRALENDIJK – E servisio di Landbouw, Veeteelt i Visserij (LVV) a kuminsá un proyekto pa oumentá di forma konsiderabel e produkshon di karni di porko na Boneiru. Pa esaki a kuminsá ku e konstrukshon riba e terreno di LVV di un espasio pa kria porko.
Ounke Boneiru tin un produkshon razonabel di kabritu i karné, e produkshon di otro tipo di karni ta aina hopi limitá. Segun direktor di LVV, Maurice Adriaens, e meta di LVV ta pa oumentá e produkshon di otro tipo di karni, inkluso karni di porko. “Nos ta traha e fasilidatnan awor i nos ta buska un kunukero ku por tuma responsabilidat pa e produkshon i eksplotashon di e proyekto,” segun Adriaensm a splika. E direktor di LVV tambe a bisa ku kòmbersashon ku potensial operadó ya ta kanando.
Ekspertisio
Tambe a keda konfirmá ku e konosementu tékniko di e produkshon di karni di porko na e isla lo wòrdu sostené pa ekspertonan di Colombia, ku ta spesialisá den produkshon di karni di porko.
Inisialmente, e produkshon lo ta limitá na mas o ménos 10 animal ku lo ta kla pa mata kada 4 pa 5 luna.
LVV tin un tempu ta trahando kaba riba oumentu di e grado di outosufisensia di e Boneiru pa loke ta trata produkshon lokal.