KRALENDIJK – Entidat públiko Boneiru ke oumentá impuesto di entrada di turista pa pasaheronan krusero. Diputado Weber ta investigando un oumento di e kobransa aktual di 10 pa 15 dòler pa pasahero.
Segun Weber tal oumento tin tiki influensia riba e kantidat di bishitante krusero. Pasobra ta prosesá e impuesto den e preis di e teket pa e cruise i p’esei apenas e biaheronan ta sinti esaki.
“Si un persona paga 3.000 dòler pa un cruise, e pasaheronan apenas ta ripará ora e teket bira sinku dòler mas karu,” Weber ta bisa.
Negosashonnan ku industria krusero
Aktualmente ta deliberando riba e posibel oumento ku Florida Caribbean Cruise Association, e organisashon ku ta representá hopi kompania krusero den área di Karibe.
Segun Weber kompanianan krusero ke sa hopi delantá si ki dia ta adaptá e preis, pasobra nan ta stipulá nan tarifa- i kòntraktnan hopi delantá.
Si e kompanianan bai di akuerdo, por introdusí e kobransa nobo pareu ku e sektor a prepará pa esaki. Ku e oumento Boneiru ta spera di generá anualmente alrededor di sinku mion dòler èkstra na entrada pa kaha di gobièrnu.
Impakto limitá riba turismo
Segun Weber e riesgo ta chikitu ku barkunan krusero lo evitá Boneiru pa motibu di e impuesto mas haltu. Pasobra ta parti e gastunan riba miles di pasahero, e efekto ta keda minimal pa kada pasahero.
P’esei gobièrnu ta mira e medida komo un manera relativamente simpel pa generá entrada èkstra sin pèrhudiká turismo.