WILLEMSTAD – Amerika Latino i área di Karibe ta ranka bai riba problemanan grandi pa motibu di enbehesimentu. Sistemanan di kuido, penshunnan i merkadonan laboral no por mantené e ritmo di e oumento rápido di grandinan. Esei ta e konklushon mas importante di un enkuentro regional bou di guia di Konseho Ekonómiko-Sosial (SER) di Kòrsou.
Representantenan di entre otro Brazil, Mexico i Repúblika Dominikana a partisipá na e enkuentro. E mensahe tabata klaritu: sin koperashon mas estrecho entre paisnan e konsekuensianan di enbehesimentu ta bira difísil pa dominá.
Pa Kòrsou e tópiko ta relevante mésora. SER ta trahando aktualmente na un konseho di enbehesimentu, kuido i fasilidatnan pa grandinan. E resultadonan di e enkuentro ta forma un aporte importante pa esei.
Reto
Durante e enkuentro a enfatisá ku enbehesimentu no ta solamente un preukupashon, pero un reto sosial ekonómiko mas ámplio. E impakto ta mishi ku merkado laboral, finansas públiko i relashon sosial tambe. E preshon riba kuido kontinuo ta oumentá, mientras na mes momento e grupo di personanan ku ta traha ta bira relativamente mas chikí.
Organisashonnan internashonal a atvertí ku adaptashonnan struktural ta nesesario. Asina por ehèmpel mester fortifiká sostenementu di dunadónan di kuido informal i profeshonalnan den kuido
Tambe a mustra riba e papel di digitalisashon i inteligensia artifisial, ku ta trese riesgonan kuné pa merkado laboral, pero tambe ta brinda oportunidat pa produktividat mas grandi.
Segun SER medidanan lòs no ta sufisiente. Enbehesimentu ta rekerí maneho koherente i koperashon duradero, tantu dentro di e paisnan komo riba nivel regional.
Ku e señalnan for di den region e preshon ta kresiendo pa hasi na Kòrsou tambe e eskohonan di organisashon di kuido, penshun i merkado laboral na tempu.