KRALENDIJK – Diabièrnè anochi atrobe tabata tin otro kandele na lèntfel na Lagun. Despues ku un otro kandela a parse di ta bou di kòntròl un pa di dia pasá, djabièrnè anochi atobe por a mira kandela bastante grandi i hopi huma.
Diferente habitante a tuma kontakto ku ABC Online Media pa ekspresá na preokupashon ku e situashon. Segun por a komprondé hopi habitante tin miedu ku e huma por kontené supstanshanan dañiño òf peligroso.
Kontrali na otro situashon di kandela na lèntfel i biaha aki entidat públiko a reakshoná relativamente rápido entre otro riba medionan sosial.
"Nos ta konsiente di e kandela na lèntfe. E situashon ta wòrdu monitoreá. Pa motibu di e huma nos ta konsehá habitantenan den e área pa tene porta i bentana sèrá", asina EPB a skibi.
Mas laat anochi a sigi ku otro partisipashon. Den esaki a rapòrtá ku e kandela no tabata sigui krese mas. Na mes momentu a konsehá pa tene bеntana i porta será pa limitá eksposishon na e huma mas tantu posibel.
Den un último mensahe Openbaar Lichaam a laga sa ku e kandela no a krese mas i ta wòrdu konsiderá bou di kòntòl.. Diasabra, kompania ku ta pressa sushi pa Selibon lo reanudá e trabounan pa kubri e área afektá ku tera.
Kandela eksistente
E kandela mas resmen a sigui riba unu ku a tuma lugá dia 20 di mei. Segun Selibon, no nesesariamente ta trata di kandela nobo, sino kandela bou di tera ku ta lanta kabes atrobe.