KRALENDIJK - E Dokumental Si e baranca por a papia: Storianan di sclavitud di periodista i sineasta Arubano Melissa Stamper lo tin su première na Boneiru djabièrne 4 di sèptèmber. E dokumental lo ser presentá pa 7’or di anochi na Fuhikubo. Entrada ta grátis. Bishitantenan ku tin e posibilidat ta keda invitá pa hasi un donashon boluntario na Fuhikubo, ku ta hasi e presentashon akí posibel.
E título Si e baranca por a papia ta focus riba si e baranka Aruba por a papia, kiko elo konta nos di e periodo aki? Den e dokumental, Stamper ta investigá e historia di sklabitut na Aruba ku no a risibí sufisiente atenshon, pa medio di lugánan históriko ku ainda ta forma parti di e paisahe di e isla.
Pòtret: Melissa Stamper
E dokumental ta hiba e públiko, entre otro, na Fort Zoutman, Seroe Biento, Moko, Rooi Tambu i Paardenbaai. Historiadónan i personanan enbolbí ta konta kua rastronan di sklabitut i historia kolonial ainda ta presente na e lugánan akí, i dikon hopi di e historianan akí tabata kasi invisibel den memoria públiko durante tantu tempu.
Ku e presentashon na Boneiru, Stamper no ke kompartí solamente e historia di Aruba, sino tambe habri un kombersashon tokante e konhekshon históriko entre e islanan karibense. Despues di tur, e pasado kolonial i di sklabitut no a para na frontera di un solo isla.
Pòtret: Melissa Stamper
E dokumental a atraé hopi interes durante presentashonnan anterior na Aruba i Kòrsou. E première na Boneiru ta forma un siguiente paso den e meta pa presentá e dokumental na tur nos islanan ruman i stimulá un diálogo karibense mas amplio tokante e pasado komun akí.