KRALENDIJK – Dunadónan di trabou i sindikatonan no a yega na un akuerdo riba un CAO KUIDO BES nobo despues di sinku dia di negosashon. E negosashonnan a keda suspendé temporalmente.
E punto mas grandi di konflikto ta e introdukshon di un siman di trabou di 36 ora. E sindikatonan kier implementá esaki pa 1 yanüari 2027, mientras ku e dunadónan di trabou ta bisa ku no tin sufisiente medionan finansiero disponibel pa esaki.
Tur dos banda ta di akuerdo ku e aspirashon pa kondishonnan di trabou ekivalente na esnan den kuido na Hulanda Europeo. Ademas di e siman di trabou, esaki ta impaktá tambe otro kos manera salario i penshun.
Pa motibo di e impase, akuerdonan riba e otrokosnan manera oumento di salario, pago di salario durante enfermedat i vèrlòf spesial a keda posponé tambe.
Dunadónan di trabou i sindikatonan ta deliberando awor riba e kontinuashon di e negosashonnan.