KRALENDIJK – Ku e parada tradishonal di bandera a habri Regata 2026 ofisial. Hopi hende a bini Kralendijk pa apoyá e paisnan partisipante. Spesialmente China i Haïti a destaká ku nan delegashonnan grandi. Boneiru tambe tabata bon presentá durante e marcha kolorido.
Kant’i kaminda i na momento di presentashon di e paisnan riba podio tabatin hopi públiko presente. Banda di China, Haïti i Boneiru por a mira tambe bandera di entre otro Pakistan, Kòrsou, Eskosia, Kolombia, Venezuela, Repúblika Dominikana, Merka i Irlanda. E diferente delegashonnan a pèrkurá pa un karakter internashonal i a hasi ku e parada un apertura festivo di e evento.
Despues di presentashon di e paisnan e fiesta a sigui ku un anochi yen di músika riba podio. Un di e artistanan ku a presentá tabata Poke. Entre e presentashonnan prinsipal di Regata 2026 e dianan benidero lo tin entre otro tambe Jeon, Caché Deluxe, Freddy Morreira i ONE Flavaz.
E parada di bandera ta un parti integral di Regata i ta trese partisipantenan di diferente pais huntu na Boneiru. Ku e interes grandi kant’i kaminda i e presentashonnan festivo riba podio edishon di 2026 a ranka sali ofisialmente.