ORANJESTAD – Gobièrnu di Aruba a kai. Riba Facebook partido MEP a pone pòtrèt di tur minister ku a bai gobernador enkabesá pa promé minister Evelyn Wever-Croes pa entregá retiru di e gobièrnu. E koalishon di gobièrnu ta konsistí di e partidonan MEP ku nuebe asiento i RAIZ ku dos siento.
Djaluna mainta a surgi un pleitu entre e koalishon pa votamentu pa un presidente di parlamentu nobo pa apertura di aña parlamentario nobo. Un mayoria den parlamento a vota pa e kandidato di RAIZ, Raymond Kamperveen, i kontra e presidente anterior di MEP, Edgard Vrolijk. Ku esaki a bini un kiebro den e koalishon.
Esaki ta nifiká ku Aruba mester bai urna mas promé ku a plania. Elekshon ta planiá pa dia 6 di dezèmber.
MEP ta pa basta tempu kaba un di e partidonan mas grandi di e pais. Pa RAIZ esaki ta su promé biahe ku e ta forma parti di gobièrnu. E gobièrnu di koalishon a tuma poseshon na sèptèmber 2021 i ta e di dos gabinete enkabesá pa promé minister Evelyn Wever-Croes.