AMSTERDAM – A rekonosé Biblioteka di Boneiru den RAI Amsterdam ku un nominashon pa e prestigioso Social Impact Award. Ounke Kloosterkwartier Veghel finalmente a bai ku e viktoria, e organisashon ta wak bèk ku orguyo riba e apresio ku el a risibí di e hurado spesialisá.
Segun e hurado Biblioteka a distinguí su mes na un manera remarkabel di e otro partisipantenan. E miembronan di hurado tabata unánime den nan veredikto ku e organisashon a sobresalí danki na su impakto sosial i e manera ku a duna forma na e trayekto desplegá. A kalifiká e trabou di Biblioteka komo atmirabel i e organisashon a risibí kòmplimènt pa e resultadonan optené.
Ta mira e nominashon dentro di Biblioteka komo un rekonosementu importante pa e esfuerso di empleado-, partner- i boluntarionan ku ta kontribuí diariamente na e funshon sosial di e biblioteka.
Durante e entrega Biblioteka a risibí un pen rekordatorio i un buki spesial komo muestra di apresio na okashon di e nominashon.