KRALENDIJK – Aeropuerto Internashonal di Boneiru a publiká un kobertura di video di e ehersisio ámplio Rescue at Sea, ku a tuma lugá 4 di yüni den awanan banda di aeropuerto. Ku e publikashon e aeropuerto ta wak bèk riba e ehersisio, ku segun BIA tabata eksitoso.
A realisá e asina yamá Full Scale Exercise entre 9’or i 11’or di mainta i a simulá un operashon di reskate riba laman. Vários servisio di emergensia i organisashon a partisipá na e operashon, entre kua polis, brantwer, duana, wardakosta, Koninklijke Marechaussee, Entidat Públiko Boneiru, Fundashon Mariadal, kapitan di haf i dunadó di servisio di tráfiko aéreo DC-ANSP.
Segun BIA meta di e operashon tabata pa fortifiká kolaborashon, komunikashon i situashon di krísis entre tur partido konserní. Tal ehersisio mester tin komo meta ku servisionan di emergensia i organisashonnan di aeropuerto ta bon prepará pa posibel situashonnan di emergnsia.
Den un reakshon BIA a gradisí tur organisashon partisipante, timnan operashonal, boluntarionan i otro personanan enbolbí pa nan aporte, profeshonalidat i koperashon. E aeropuerto a enfatisá ku entrenamentu regular ta esensial pa garantisá seguridat di pasahero, empleado i otro usuario di aeropuerto.
Segun BIA meta di e operashon tabata pa fortifiká kolaborashon, komunikashon i situashon di krísis entre tur partido konserní. Tal ehersisio mester tin komo meta ku servisionan di emergensia i organisashonnan di aeropuerto ta bon prepará pa posibel situashonnan di emergnsia.
Den un reakshon BIA a gradisí tur organisashon partisipante, timnan operashonal, boluntarionan i otro personanan enbolbí pa nan aporte, profeshonalidat i koperashon. E aeropuerto a enfatisá ku entrenamentu regular ta esensial pa garantisá seguridat di pasahero, empleado i otro usuario di aeropuerto.
Potrèt: BIA
Koperashon servisionan di emergensia
E kobertura di video ku a publiká resientemente ta duna un bista di magnitut di e ehersisio i e koperashon entre e diferente servisionan di emergensia durante e senario.