KRALENDIJK - Fundashon Tienda pa Konsumidó Boneriano (FTPKB) ta informá pueblo Boneriano ku entrante di yüni 2026 lo kuminsá ku komparashon di preis di materialnan di konstrukshon na diferente tiendanan di hardware i proveedó riba Boneiru.
E investigashon aki ta forma parti di un programa struktural di mónitòr di merkado ku lo wòrdu realisá kada kuartal, ku meta pa trese transparensia di preisnan di material pa konstrukshon riba merkado i duna konsumidónan informashon kla i konfiabel pa nan por hasi eskoho di kompra.
E komparashon di preis di materialnan di konstrukshon ta konsentrá riba mas o ménos 200 produkto hopi pidi den diferente kategorianan manera heru, blòkinan, fèrf, instalashon di koriente, material pa pipefitter, material pa dak i otro materialnan di konstrukshon.
Komparashon di prei snan di material di konstrukshon ta fundamental pa stimulá transparensia di merkado i pa protehá interesnan di konsumidónan na Boneiru.
FTPKB ta apresiá kolaborashon di tur empresa partisipante i lo publiká e resultadonan den un rapòrt pa konsumidó despues di finalisá e proseso di verifikashon.