KRALENDIJK - STINAPA Bonaire ta marka su di 40 aniversario ku un kampaña di karchi kolekshonabel, ku ta kuminsá djaluna 7 di sèptèmber na diferente lokalidat rònt Boneiru.
E kolekshon ta konsistí di 12 karchi diferente, kada un disponibel na un lokalidat spesífiko. Ademas tin un di 13, e llamado ‘karchi misterioso’, ku partisipantenan por purba di haña.
Pa yuda hende buska e karchinan, STINAPA a prepará un mapa ku informashon tokante e diferente lokalidatnan. E mapa ta disponibel na ofisina di STINAPA na Barcadera 10 i na Informashon di Turismo. Na mes lokalidatnan tin tambe kahita spesial pa warda e kolekshon.
STINAPA a hasi 1.000 ehemplar di e karchinan, mapanan i kahitanan disponibel. Ku e kampaña, e organisashon ke kombiná selebrashon di su 40 aniversario ku atenshon pa naturalesa i diferente sitionan di Boneiru.