KRALENDIJK – Dia 4 di yüni Entidat Públiko Boneiru i Algemene Bond van Overheidspersoneel (ABVO) a organisá un Dia di Reflekshon pa empleadonan di Entidat Públiko Boneiru den edifisio di ABVO.
E dia tabata repartí den un seshon di mainta i un seshon di tramèrdia. E empleadonan a para ketu na e núkleo di ser un empleado públiko: e derechonan i obligashonnan ku ta pertenesé na esaki, e servisialidat na komunidat boneriano i e impakto signifikativo ku a base di nan trabou nan por tin riba komunidat i tambe e sosten ku ABVO por brinda.
Pòtret: EPB
Gezaghèber tabata enkargá ku un palabra di bon biní durante e seshon di mainta, miéntras diputado Joselito Statia a habri e seshon di tramèrdia. Banda di esaki Nereida Gonzalez i Ferina (Roosje) van der Hoek a duna presentashonnan inspirativo, kaminda nan a invitá e partisipantenan pa reflekshoná i bai den kòmbersashon ku otro.
Momentunan di reflekshon
Entidat Públiko Boneiru ta haña importante pa krea momentunan di reflekshon i desaroyo pa su empleadonan. Na final di e enkuentro e empleadonan ku ainda no tabata miembro a haña oportunidat pa registrá serka ABVO.
Pòtret: EPB