KRALENDIJK – Pa Vivienne Vollebregt su partisipashon na Miss Boneiru ta un oportunidat ku a bini den su bida na e momento oportuno. E empresario i coach ta un di e tres kandidatonan ku riba 4 di yüli ta pa .......... pa e korona. Ounke un elekshon di miss un tempu tabata un soño di su hubentut kaba, e no a fèrwagt ku e soño ei despues lo a bira realidat ainda.
"Sierto oportunidat ta bini eksaktamente ora bo ta kla p’e.” Vollebregt ta bisa.
“Si mi a hasi esaki djes aña pasá, lo mi no tabata asina sigur di mi mes manera awor aki.”
E invitashon pa partisipá a bini inesperá, pero mi a sinti mi bon mésora. “Mi tabata en buska di un reto nobo i e ora ei esaki a bini riba mi kaminda. Mi a pensa: dikon no? Mi a sintié manera e momento perfekto. Ta un honor di bèrdat ku a pidi mi pa partisipá.”
Pa tempu largu bibá na Boneiru
Ounke e no a nase riba e isla, Boneiru ta su kas di bèrdat si. For di su djesnuebe aña e ta biba na Boneiru i a konstruí su bida, karera i futuro akinan. “Mi bida adulto kompleto bon mirá mi a bib’é akinan. Tur loke mi a eksperensiá i siña a forma mi den e persona ku mi ta awe.”
E último lunanan preparashonnan pa e elekshon tabata sentral. Ademas el a ripará hopi lihé ku tras di un elekshon pa miss tin hopi mas skondí ku hende ta pensa. “Hopi hende ta kere ku bo mester ta bunita so, hari i kana un tiki riba pasarela. Pero tin hopi mas kos ta bini aserka.”
Foto: Felicia Schütte
Treinennan
E kandidatonan ta haña treinen den entre otro papia den públiko, etiketa, presentá den media i desaroyo personal. “Nos ta haña lès den kon bo tin ku papia, kon bo ta presentá bo mes, kon bo ta manehá entrevista i kon sigur di bo mes bo ta para dilanti di un grupo. E ta hopi edukativo.”
Un di e retonan mas grandi p’e ta resultá e entrenamentu di pasarela. “E ta parse fásil, pero esei apsolutamente e no ta. Bo mester paga tinu riba bo postura, bo skoudernan, bo heupnan, kon bo ta drei i kon bo ta kana. Ademas e hilchinan haltu ei ta hasi gewon doló tambe.”
No ta kana ku slof mas
Entretantu e por hari pa esaki, pero ta atmití ku e entrenamentunan tin biaha ta mas pikante ku a spera. “Na Boneiru nos ta kana mayoria biaha riba slòf òf pia abou. E ora ei e hilchi haltu diripiente ta bira un otro storia.”
Banda di su partisipashon na Miss Boneiru Volbrecht ta dirigí dos empresa. E tin un salon di beyesa i banda di esei e ta fungi manera un coach pa personanan ku ke pèrdè peso i biba mas salú. “Mi trabou ta trata bon mirá di e mésun kos ku mi ta para p’e durante e elekshon aki: yuda hendenan pa bira e mihó vershon di nan mes. Di paden í di pafó.
P’esei segun e un elekshon di miss no ta trata solamente aparensia. “Bo ta un ehèmpel pa otronan. Ta trata kon bo ta anda ku hende, kon bo ta presentá bo mes i kua mensahe bo ta propagá.”
Foto: Felicia Schütte
Inspirashon
Inspirá otro ta netamente loke e ke logra ku su partisipashon. “Mi ke mustra ku bo mester keda habrí pa oportunidatnan i bo mester keda sigui bo soñonan. Tin biaha tin kos ta bini riba bo kaminda ku bo no a spera nunka.”
Ora e tabatin djesshete aña el a partisipá kaba na un elekshon di miss na eskala chikí na Hulanda. Despues e soño ei a disparsé den fondo. “Tempu ku mi tabata hóben, esaki tabata un berdadero soño p’ami. Pero e último djes añanan mi no a pensa mes mas ku un elekshon di miss un tempu lo a forma parti ainda di mi bida.”
Esei ta hasi e partisipashon aki èkstra spesial segun Vollebrecht. “Ku awor ainda e ta bini den mi kaminda, ta hopi spesial. Komo sifuera e ta sosodé na e momento oportuno.”
Kontentu ku su ko-kandidatonan
Apesar di e karákter kompetitivo di e elekshon Vollebrecht ta papia hopi bon di su ko-kandidatonan Caroline Porras i Katherine Montero. “Nos ta sali hopi bon ku otro. Tur hende ta yuda otro i no tin yalusí. Mi ta kontentu pa nan.”
Ku algun siman pa bai ainda e ta ansioso pa e nochi final di 4 di yüli. “E kos mas importante ta ku bo ta keda serka di bo mes. Esei finalmente ta loke mi ke laga mira riba e podio.”
Dia 4 di yüli ta anunsiá durante e final na Delfins ken ta bira aweró Miss Boneiru. Pa Vollebrecht un kos ta sigur kaba: e eksperensia a brind’é hopi. “Ta eksitante, pero mas ku tur kos bunita pa eksperensiá.”
Ku e artíkulo aki Bonaire.nu ta klousurá e seri kaminda e tres kandidatonan pa Miss Boneiru 2026 a presentá nan mes. Anteriormente a publiké e storianan di Caroline Porras i Katherine Montero. Djabièrnè 4 di yüli nan tres ta kompetí ku otro durante e final pa Miss Boneiru na Delfins.