KRALENDIJK – Un delegashon di representanten sosial di Boneiru a sali djasabra rumbo pa sede prinsipal di Nashonnan Uní (UN) na New York.
E grupo ta bou di liderazgo di James Finies di Pueblo Progresivo Uni (PPU) i ta konsistí tambe di Marbi Frans i Joseline Thielman di e organisashon di muhé Muhernan Fuerte, i Davika Bissessar Shaw di Bonaire Human Rights Organization (BHRO).
Durante e bishita na UN, e delegashon lo partisipá den reunionnan tokante hustisia, lucha contra pobresa i derechonan di komunidat indigena i marginalisá na Boneiru. Finies a enfatisá ku nan ta pone e bos di nan komunidat den e nivel internashonal.
Konsientisashon
E delegashon ta mira e oportunidad akí pa krea konsientisashon i trabou huntu pa derecho humano i desaroyo sostenibel.