KRALENDIJK – Kompania di Awa i Koriente WEB N.V. ke sa kiko e klientenan ta pensa di e servisio nan ta ofresé. P’esei, e empresa a lansa un enkuesta via vários medio di komunikashon pa midi e niveal di satisfakshon riba diferente asunto.
E enkuesta ta tuma mas o ménos 10 minüt pa kompletá. Entre otro, e enkuesta ta kontené preguntanan tokante e satisfakshon ku e servisio regulá, e servisio di storing, e tarifanan i e frekuensia ku interupshonnan den e suministro di awa i elektrisidat ta tuma lugá. Adishonalmente, e enkuesta ta midi tambe kon importante e usuarionan ta konsiderá e sostenibilidad di e produkshon.
Na vários di e preguntanan, por duna un sifra di rapòrt pa reflehá e nivel di satisfakshon. Por yega na e enkuesta, ku por yena te ku dia 22 di mei, por klek aki:
Nederlandse versie: https://bit.ly/SurveyWEB_NL
Engels versie: https://bit.ly/SurveyWEB_ENG
Papiamentu versie: https://bit.ly/SurveyWEB_PAP
Spaanse versie: https://bit.ly/SurveyWEB_ESP