KRALENDIJK – Fundashon Ambulans Deseo Boneiru (FADB) ta hunga un ròl spesial den e biahe di di Billy Valentijn na Boneiru. Riba petishon di e organisadónan di su biahe, e fundashon a pone su ambulans disponibel pa tres siman largu pa transportá Billy pa su aktividatnan di manera sigur i kómodo. Pasobra no tin transpòrt adekuá pa persona ku no por kana riba e isla, e ambulans ta esensial pa realisá Billy su deseadonan.
Mimi Dongen, fundadó di FADB, a enfatisá ku nan a hasi un eksepshon ku amor pa Billy: “En bes di un solo deseo, nos ta kumpli tres – i mas si ta posibel.” Boluntario di e fundashon ta akompañá Billy na un fiesta na Parke Isidel, un wega di futbòl di SV La Fama, un eiskrim na Luciano i un tur na parti nòrt i na parti suit di e isla.
Kaluroso bonbiní
E estadia di Billy a kuminsá dia 20 di mei ku un kaluroso bonbiní na Aeropuerto Flamingo i un kamber festivamente dòrná na Eden Beach Resort.
Fundashon Ambulans Deseo Boneiru a wòrdu establesé na oktober 2024 i for di e dia ei ta kumpliendo ku (último) deseonan pa pashent inmobil òf terminal na e isla. Te ku awor, ya a kumpli ku seis deseo spesial. E trabounan di FADB ta boluntario, òf ku otro palabra, sin gastu pa e pashènt.