KRALENDIJK – Delta Security Boneiru i e sindikato AFBW a firma e promé kontrato kolektivo di trabou (CAO) pa un empresa di seguridat na Boneiru. E firmamentu a tuma lugá na e ofisina di Delta Security na Abraham Boulevard 15.
E akuerdo ta wòrdu konsiderá un momentu importante pa e sektor di seguridat na e isla. Segun e dos partido, e negosiashonnan a tuma lugá den un ambiente positivo i e resultado ta representá un paso esensial pa e profesionalisashon di e industria.
Klaridat
Segun e sindikato, e CAO nobo ta trese klaridat den kondishonnan di trabou i asina ta kontribuí na stabilidat i perspektiva pa e trahadónan den e sektor.