KRALENDIJK – E Komishon di Slepwei (Slipway Commissie) huntu ku e asoshashon lokal di piskadónan Piskabon, ta organisá un protesta pasífiko djamars 24 di yüni pa yama atenshon pa e problema kontinuo di falta di rampa pa piskadónan na Boneiru.
E protesta lo kuminsá 2 ‘or na stadion di Playa i lo sigui te na Te Amo Beach. Pa 3 ‘or di atardi lo entregá un karta huntu ku un petishon ku firmanan na e gezaghèber.
Piskabon a ekspresá su preokupashon na vários okashon, pa e falta di rampanan aksesibel na e isla, loke ta hasi mas difísil pa piskadónan pone nan boto den awa i saka esaki bèk na un manera seif.
Urgente
E protesta ta un akshon pasífiko, pero urgente pa instalashonnan práktiko ku ta sostené e sektor lokal di peska.