KRALENDIJK- Djasabra mainta algu promé ku 9 ‘or e avion nobo di Z Air, un Embrear 140, a baha na aeropuerto Flamingo pa di promé biaha.
Ta trata di un buelo di prueba, promé ku e proseso ofisial di sertifikashon di parti di Curaçao Civil Aviation Authority (CCAA) ta kuminsá, ku ta nesesario pa por tuma e avion nobo den serviso komersial. Na bordo tabata tin vários empleado di Z Air.
Na Boneiru a probechá pa mustra e tim operashonal na Boneiru e partikulardatnan di e avion aki.
Despues di un desayuno konhunto di e tim na Karel’s, a yega bék na aeropuerto pa regresá Kòrsou algu despues di merdia.
Ivo Oduber, ku ta manehá e proyekto pa inkorporá e avionan nobo de fleta di Z Air, a mustra su mes hopi satisfecho. “E avion ta komportando su mes na mil maravía. Na Boneiru nos a probechá pa lage tim tékniko i esun di nos operashon na tera sera konosí ku e avion aki pa por hèndel esaki unabes ku buelonan ta kuminsá.
Destinashonan mas leu
Ounke ku e avionnan Embraer lo bula prinsipalmente destinashonan mas leu, manera Medellín ku St. Maarten, ta premirá ku e avion lo wòrdu usá tambe den bes e kuando riba e ruta entre e islanan ABC.
Banda di e Embraernan aki e avionnan Saab 340, di kua Z Air tin vários ta usando kaba, lo ta e avion prinsipal pa sigui sirbi e ruta entre Aruba, Boneiru i Kòrsou.