VADER PIET – Nort di Aruba un barku a bòltu. Tres persona, probablemente Venezolano, a pèrdè nan bida. Asina Wardakosta ta informá. Polis a haña yamada di dos persona ku tabata na bordo i ku por a yega kosta.
E drama a tuma lugá nort di Aruba na altura di Vader Piet. Na yegada di wardakosta, ku a alarmá, a haña dos kurpa di hende muhé sin bida den awa, i no muchu ratu despues siguí pa un di tres kurpa.
E helikòpter di polis a sigui ku e buskeda di posibel mas víktima den e área.
Ta posibel ku otro okupantenan a sobrebibí e desaster. Polis ta spera ku nan ta mèldu nan mes i por duna klaridat tokante personanan ku tabata na bordo.