THE BOTTOM/ORANJESTAD – Banko ING ta sigui ku su plannan pa tin un presensia propio na Saba i Sint-Eustatius. Na tur dos isla e preparashonnan ta den ful swing, i e apertura ofisial ta ser sperá na novèmber, aunke ku e ekipo di proyekto no a kier konfirmá un fecha defnitivo na ABC Online Media.
Na Saba e estilo visual di ING a ser apliká riba e futuru ofisina na Windwardside, un señal kla ku e proyekto a yega den un fase avansá.
Na Sint-Eustatius ING ta spera di habri su ofisina den e edifisio di Gems den sentro di Oranjestad, direktamente dilanti e brènch di MCB Bonaire su filial. Segun informashon ku ABC Online media tin, e edifisio aki a ser skohí pasobra ta konsiderá esaki e úniko lugá disponibel i apropiá pa esaki.
Fuentenan ta indiká ku e banko tin 24 novèmber komo fecha di apertura na Sint-Eustatia i 26 na Saba. E servisionan planeá ta inkluí, entre otro, servisio di banko pa residente i negoshi, fasilidatnan di krédito i bankomátiko. Hipotek probablemente lo no ta disponibel ainda na momento di apertura.
Kuentanan na dòlar (USD) tambe lo ta disponibel, ku akseso na e infraestruktura via di WIFT/BIC europeo di ING-bank.