KRALENDIJK – Water- en Energiebedrijf Bonaire (WEB) ta enfrentando problemanan tékniko ku e sistema Pagabon for di diabièrnè. Pa motibo di e faya, aktualmente no por generá token di Pagabon nobo. Segun WEB, e problemanan ta afektá tur pùnto di benta, inkluso e ofisina prinsipal.
Pagabon ta e sistema prepaid pa kumpra koriente na Boneiru. Klientenan ta kumpra krédito pa koriente di antemano i ta risibí un tokèn pa esei — un kódigo di sifra ku mester wòrdu introdùsi den e meter di Pagabon.
WEB a anunsiá inisialmente ku tabata trata di un interupshon tèkniko, pero despues a komuniká ku e fayo ta dura mas largu ku spera.
Pa klientenan ku kore riesgo di keda sin krédito prepago pa motibo di e fayo, WEB a pone temporalmente un number di WhatsApp pa reportá problema ku e sistama. Ta trata di e number 7016215. Via e number aki por pidi ayudo. WEB ta suprayá ku via WhatsApp no por hasi yamada pa risibí ayudo.